English Deutsch Русский язык Latvian Latgalian

JURS CYBUĻS

Juris Dzims 1951. goda 6. decembrī Abrenis rajona Rekovā. Tāvs i muote kolhoznīki.

Vuicejīs Bolvu rajona Iergļu pamatškolā (1959–1963) i Rekovys vydškolā (1963–1970). Beidzs LVU Svešvolūdu fakultati (1975), dabojūt filologa, angļu volūdys i literaturys školuotuoja kvalifikaceju. 1984.–1987. godā vuicejīs LVU aspiranturā (pedagogejis viesture i teoreja).

Struodovs Bolvu rajona Tiļžys vydškolā i Tiļžys internatškolā par angļu volūdys školuotuoju (1975–1989). Bejs laikroksta „Skolotāju Avīze“ pastuoveigais korespondents (1985–1990).

Atmūdys laikā bejs par Latvejis Tautys frontis Bolvu rajona nūdalis atbreivuotū prīkšsāduotuoju (1989–1990). 1990. godā īvālāts par LR AP deputatu. Darejs Uorlītu komisejā i Tautys izgleiteibys, zynuotnis i kulturys komisejā, kai ari Latgolys dorba grupā. Par bolsojumu 1990. goda 4. majā par Naatkareibys deklaraceju apbalvuots ar III škirys Treju Zvaigžņu ordeni (2000).

Nu 1994. goda da 2005. goda apreļa struodovs LR Naturalizacejs puorvaļdis Uorejūs sakoru daļā. Nu 2005. goda apreļa struodovs Tulkuošonys i terminologejis centra Eiropys Savīneibys i cytu storptautyskūs tīseibu aktu tulkuošonys nūdaļā par redaktoru; ar 2009. goda janvari Ar NATO darbeibu saisteitu tīseibu aktu tulkuošonys nūdaļā par redaktoru. 2011. goda janvarī puoguoja dorbā iz Reigys dūmis Uorlītu puorvaldi, kur beja projektu koordinātuojs Storptautyskuos sadarbeibys i koordinacejis nūdaļā da 2012. goda novembra.

Ir daudzu gruomotu autors voi leidzautors. Dažaidūs laikrokstūs i kruojumūs publicejs ap 500 rokstu latvīšu, latgaļu, krīvu, angļu i franču volūdā. Jam ir ap 90 tulkojumu, kas publicāti dažaidūs laikrokstoūs i vairuokuos gruomotuos i pīcuos atseviškuos brošuruos.

Izjymts ASV Nacionalajā geografu bīdreibā (1978), a 1995. godā Pasauļa verbaluos agresejis bīdreibā „Maledicta“ i bīdreibā „Amici Linguarum“ („Volūdu draugi“).

Kruoj ābecis. Kolekcejā ir apmāram 10 290 ābeču nu 222 zemēm 1180 volūduos.

Portrait
Ābeču izstuodis atkluošonā ar juos organizātuojim Salonikūs (Grīkeja)
Pi bibliotekys Salonikūs (Grīkeja), kurā nūtyka ābeču izstuode
Greece
Museum
Tiļžys (Bolvu nūvods) vydškolys muzejā
Ābeču izstuodis atkluošonā ar Bolvu Nūvoda muzeja dareituojom
Group
Grodno
Pi bibliotekys Grodņā (Boltkrīveja) kūpā ar ābeču izstuodis organizātuoju Svjatlanu Rapeckaju
Reigys dūmē kūpā ar delegaceju nu Dīnvydafrikys Republikys
Juris
Juris
Sanktpīterburgā (Krīveja) Pyrmuo krīvu volūdys pasauļa festivala laikā

In Saint-Petersburg (Russia) during the First World Festival of the Russian Language
Piter
Folkedragt
Latgalīšu ābecis vaļā taiseišonys pasuocīņa laikā Rēzeknē 2014. goda 14. majā.